【馬修書院Last Day】
《教束》終於喺7月5號迎嚟大結局。
忙咗幾日，終於有時間出呢個Po
全個劇組，台前幕後齊聚一堂喺「馬修書院」迎接呢一刻（可惜智叔、Amy姐和珈其有事出席唔到）。
喺之前嘅Po都講過好多次，《教束》畀咗好多嘢我。其中最珍貴嘅就係一班好朋友！
由6月10號開始首播，呢一個月嚟，我重拾翻兒時等夠鐘就喺電視前等心愛電視劇開播嘅嗰份熱誠！喺宜家智能手機當道嘅時代，我估只有自己參與嘅電視劇先可以對我有呢份吸引力吧？
借用喺2010年參加《亞洲星光大道3》嗰時已經有8年跳舞經驗嘅TA姐姐鍾雪嘅說話：
「感激教束成為了我們大部分人的出世紙」
有人問，「教束嘅結局即係點？」
以下就會有劇透，未睇結局嘅就唔好繼續向下睇啦
.
.
.
.
.
.
.
.
.
.
.
.
.
.
結局盧Sir畀人炒咗，林副校亦都冇因為梁校長被拉倒而當上校長之位。重點係片尾出現三位校董，以「幕後黑手」嘅姿態，對住鏡頭講，佢哋唔會放棄馬修轉直資，幾年後會重啟計劃。
呢個結局話畀我哋聽，大家一直對付嘅梁校長只係校董們嘅傀儡。宜家只係階段性勝利，絕不能掉以輕心！只要幕後黑手一日喺度，馬修書院都有可能被直資化。呢個訊息放諸今日嘅香港社會都適用！
我真係好愛《教束》嘅導演同編劇們！
佢哋分別係黃智揚Yellow、吳振忠、黃天城、史東
你哋製作咗一齣大家想睇，但又唔敢拍嘅「神劇」！
#教束 #我愛你 #出世紙 #香港 #加油 #狗榮
Search